بِسمِ اللہِ الرَّحمٰنِ الرَّحِيم

21-August-2019

نادرا میں 28 اہم عہدوں پر سیاسی بھرتیوں کا انکشاف

330 Views 0 3 مہینے
نادرا میں 28 اہم عہدوں پر سیاسی بھرتیوں کا انکشاف
Posted at 21 مئی-2019

کراچی۔ ایک طرف اہم قومی اداروں کو مصنوعی انجکشن اور سبسڈی پر چلایا جا رہا ہے تو دوسری جانب پی آئی اے، سٹیل ملز، واپڈا اور دیگر اہم قومی اداروں میں ذاتی پسند، سفارش کلچر اور اپنوں کونوازنے کی پالیسی نے کاری وار کیا ہے۔ آج تمام بڑے ادارے سب سڈی پر چل رہے ہیں۔

اب قومی ادارہ نادرا بھی اپنوں کو نوازنے کی زد میں آ گیا ہے۔ تازہ سکینڈل میں لگ بھگ 28 اہم آسامیوں پر سابقہ اور موجودہ حکومتوں کی جانب سے بھاری بھر کم تنخواہوں پر بھرتیاں کی گئی ہیں۔ کم تجربہ کار، من پسند اور سیاسی افراد کی بھرتیاں، خلاف ضابطہ ترقیاں، اثرورسوخ کے ذریعے ڈیپوٹیشن کے بعد اہم عہدوں پر تعیناتیوں کا معاملہ سنگین شکل اختیار کر گیا ہے۔

پی آئی آئی کے اہم رہنما اور وزیراعظم کے متعمد خاص کے بھتیجے کو صرف دو ماہ میں کراچی کے ریجنل ہیڈ کوارٹر میں ڈائریکٹر کی پوسٹ سونپ دی گئی۔ شیراز الحق نامی ڈائریکٹر کی ریجنل ہیڈ کوارٹر کراچی میں تعیناتی سے ترقی کے منتظر افسران میں سخت بے چینی پائی جاتی ہے۔

Courtesy The Express Tribune

شیرازالحق کی ریجنل ہیڈ کوارٹر کراچی تعیناتی سے ترقی کے منتظر افسران میں بے چینی پائی جاتی ہے

ان افسران کاکہنا ہے کہ کیا یہی نیا پاکستان ہے۔ قومی اداروں کو جتنا نقصان سیاسی بھرتیوں کے ذریعے پہنچایا جاتا ہے۔ ان کی نظیر نہیں ملتی۔ نادرا میں سابقہ ن لیگ کی حکومت اور پی ٹی آئی کی موجودہ حکومت میں 28 اہم عہدوں پر سیاسی بھرتیوں کے انکشاف پر عوامی حلقوں نے سخت حیرت کا اظہار کیا ہے۔

دو ماہ تجربہ رکھنے والے شیراز الحق کو گریڈ 18 سے 19 میں ترقی بھی دے دی گئی

وزیراعظم عمران خان ماضی میں سیاسی بھرتیوں اور اپنوں کو نوازنے کیخلاف زبردست تقریریں کرتے تھے مگر آج ان کی ناک کے نیچے اپنوں کو نوازا جا رہا ہے۔ اہم سیاسی شخصیت کے بھتیجے کو دو ماہ قبل نادرا میں مینجمنٹ ایسوسی ایٹ کے طور پر اسلام آباد ہیڈ کوارٹر میں زمینوں کے پراجیکٹ کی ذمہ داری سونپی گئی جبکہ مینجنٹ ایسوسی ایٹ کے جاری کردہ اشتہار میں تین سال کا تجربہ لازمی قرار دیا گیا تھا۔

بعد ازاں انہیں ہیڈ کوارٹر پراجیکٹ سے تبادلہ کر کے کراچی ریجنل ہیڈ کوارٹر کا ڈائریکٹر تعینات کر دیا گیا۔ دلچسپ بات یہ ہے کہ محض دو ماہ تجربہ رکھنے والے شیراز الحق کو گریڈ 18 سے 19 میں ترقی بھی دے دی گئی۔ اس عمل میں وضع کردہ ضابطوں پر عمل درآمد بھی گوارا نہیں کیا گیا۔

متعلقہ خبریں

مریم نواز کی عدالت سے روانگی کے موقع…

لاہور۔ چودھری شوگر ملز کیس میں آج مریم نواز اور یوسف عباس کی احتساب کورٹ لاہور میں پیشی…

2 گھنٹے
مریم نواز کی عدالت سے روانگی کے موقع پر شدید بدنظمی

آصف زرداری اور فریال تالپور کو جیل میں…

عدالت نے سابق صدر آصف علی زرداری اور ان کی بہن فریال تالپور کو جیل میں اے کلاس…

13 گھنٹے

مسلہ کشمیر، حکومتی اقدام پر ن لیگ کے…

پاکستان مسلم لیگ ن کے سینیٹر مشاہد اللہ نے وزیراعظم عمران خان کی تعریف کرتے ہوئے کہا کہ…

17 گھنٹے

شہباز شریف کو کالم نویسی مبارک

طارق منیر بٹ لاہور۔ پرانی کہتاوت ہے کہ جس کا کام اسی کو ساجھے مگر آج کی تیز…

22 گھنٹے
شہباز شریف کالم نویسی مبارک

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے