کراچی۔ آئی ایم ایف پروگرام میں جانے اور مرکزی بنک کی جانب سے مانیٹرنگ پالیسی کے تحت 12.15 فیصد شرح سود میں اضافے کے بعد ملک میں مہنگائی کا طوفان آ گیا تھا۔ ڈالر کی قیمت کو پر لگ گئے اور سٹاک مارکیٹ میں مسلسل کمی آ رہی تھی۔

وفاقی حکومت کی کوششیں بالاخر رنگ لے آئی ہیں۔ عوام کیلئے خوشخبری ہے کہ بالاخر سٹاک مارکیٹ میں زبردست تیزی آ گئی ہے۔ آج کے ایس ای 100 انڈیکس میں 1195 پوائنٹس اضافہ ہوا۔ گزشتہ دو ہفتوں سے سٹاک مارکیٹ میں مندی کا رحجان تھا۔

تین ماہ کے دوران 1 ہزار پوائنٹس کا اضافہ ریکارڈ

آج مارکیٹ میں بہتری آ گئی۔ آج کاروبار دن کا آغاز 33 ہزار 442 پوائنٹس سے ہوا۔ جونہی تاجروں نے سرمایہ کاری شروع کی کے ایس ای 100 انڈیکس 34698 کی سطح تک جا پہنچا۔ یہ گزشتہ تین ماہ کے دوران انڈیکس میں 1 ہزار سے زائد پوائنٹس کا اضافہ ریکارڈ کیا گیا۔

ایک دن میں انڈیکس میں 3.34 فیصد اضافہ ریکارڈ

ایک دن میں انڈیکس میں 3.34 فیصد اضافہ ریکارڈ کیا گیا۔ باخبر ذرائع کا کہنا ہے کہ وفاقی حکومت کی جانب سے تاجروں اور سرمایہ کاروں کی حوصلہ افزائی کیلئے 17 ارب روپے کے ہنگامی فنڈز جاری کرنے سے بالاخر مارکیٹ میں بہتری آ گئی۔

آزاد معیشت دانوں کا کہنا ہے کہ وفاقی حکومت نے ڈالر کی قیمت میں جتنا اضافہ کرنا تھا وہ کر لیا اب مارکیٹ میں بہتری آئے گی۔