بِسمِ اللہِ الرَّحمٰنِ الرَّحِيم

07-June-2020

مسلم لیگ ن میں بڑی تبدیلیاں، شاہد خاقان عباسی سینئر نائب صدر

paktv Avatar
578 Views 0 1 سال
مسلم لیگ ن میں بڑی تبدیلیاں، شاہد خاقان عباسی سینئر نائب صدر
Posted at 4 مئی-2019

لاہور۔ ڈیل یا ڈھیل، سیاسی حلقوں کی طرف سے پہلے چیئرمین پبلک اکاؤنٹس کمیٹی کیلئے شہباز شریف کی جگہ رانا تنویر کو عہدہ دینے اور خواجہ آصف کو قومی اسمبلی میں پارلیمانی لیڈر بنانے کے بعد مسلم لیگ کے اندر بھی بڑی تبدیلیاں اور نئے عہدیداروں کا اعلان کر دیا گیا ہے۔

یہ تبدیلیاں ایک ایسے وقت میں کی گئی ہیں جب مسلم لیگ کے سربراہ شہباز شریف علاج کیلئے لندن میں موجود ہیں جبکہ سابق وزیراعظم میاں نواز شریف کی سپریم کورٹ سے ضمانت اور بیرون ملک علاج کیلئے جانے کی درخواست مسترد ہو چکی ہے۔

سیاسی محاذ پرسب سے بڑی اپوزیشن جماعت کی کمزوریاں کھل کر سامنے آ گئی تھیں

مسلم لیگی قیادت پر مقدمات بننے کے بعد مسلم لیگ کی پارلیمان اور پارلیمان سے باہر موثر کارکردگی نہ ہونے کی وجہ سے سیاسی محاذ پر سب سے بڑی اپوزیشن جماعت کی کمزوریاں کھل کر سامنے آ گئی تھیں۔ پارلیمنٹ میں بھی مسلم لیگ کے بجائے پی پی کے چیئرمین بلاول بھٹو زرداری بھرپور انداز میں اپوزیشن لیڈر کا کردار نبھا رہے تھے۔

شبہاز شریف کی مستقبل قریب میں وطن واپسی مشکل

اس مرحلے پر مسلم لیگی سینئر قیادت سر جوڑ کر بیٹھ گئی اور مسقبل کی حکمت عملی طے کرنے میں کامیاب ہو گئی۔ باخبر حلقوں کا کہنا ہے کہ شبہاز شریف کی مستقبل قریب میں وطن واپسی مشکل دکھائی دیتی
ہے ۔

ان حالات میں سابق وزیراعظم شاہد خاقان عباسی کو مسلم لیگ کا مرکزی سینئر نائب صدر بنانا اس بات کو تقویت دیتا ہے جس کی نشاندہی وزیر خارجہ شاہ محمود قریشی کر چکے ہیں کہ آئندہ چند ہفتوں میں شہباز شریف کی عدم موجودگی میں شاہد خاقان عباسی کو قائم مقام صدر اور پھر پارلیمنٹ کے اندر اپوزیشن لیڈر بنایا جائیگا۔

نواز شریف ایک مرتبہ پھر اپنی جماعت پر گرفت ثابت کرنے میں کامیاب ہو گئے

اس ساری صورتحال میں مسلم لیگ کے قائد میاں نواز شریف ایک مرتبہ پھر اپنی جماعت پر گرفت ثابت کرنے میں کامیاب ہو گئے۔ اہم ترین عہدے انہی شخصیات کو دئیے گئے جو نوازشریف کے انتہائی قریبی اور وفادار ساتھی سمجھے جاتے ہیں۔ مریم نواز بھی مسلم لیگ میں اپنی انٹری کروانے میں کامیاب ہو گئی ہیں۔ انہیں نائب صدر کے عہدے پر فائز کیا گیا ہے۔

مسلم لیگ میں درپردہ مریم کی حیثیت نمبر ٹو ہو گی

سیاسی تجزیہ کاروں کا کہنا ہے کہ مسلم لیگ میں درپردہ مریم نواز کی حیثیت نمبر ٹو ہو گی۔ تمام اہم عہدوں پر تقرریاں اور تبدیلیاں ان کی مشاورت سے کی گئی ہیں۔ ان کی سیاست کے خاتمے کی باتیں کرنیوالوں کو مایوسی ہوئی ہے۔ موجودہ مرحلے میں وہ خاموش کردار کریں گی لیکن آنیوالے دنوں میں بتدریج منظرنامے پر ابھرتی دکھائی دیں گی۔ سردست ن لیگ کے صدر شہباز شریف نے لندن سے پارٹی کے مرکزی عہدیداروں کا اعلان کیا۔

شاہد خاقان عباسی سینئر نائب صدر، احسن اقبال سیکرٹری جنرل، جبکہ نائب صدور میں مریم نواز، جاوید لطیف، محمد زبیر اور مشاہد اللہ خان، عابد شیر علی، سردار ایاز صادق، برجیس طاہر، درشن لال، حمزہ شہباز، خواجہ سعد رفیق، خرم دستگیر، نیلسن عظیم، پرویز رشید، راحیلہ درانی، رانا تنویر اور سردار مہتاب خان شامل ہیں۔ حیرت انگیز طورپر اسحاق ڈار کو صدر برائے بین الاقوامی امور اور نور الحسن تنویر کو سیکرٹری جنرل برائے بین الاقوامی امور مقرر کیا گیا ہے۔

بلیغ الرحمان اور عطا اللہ تارڑ ڈپٹی سیکرٹری جنرل، بلال اظہر کیانی، فرحان ظفر جھگڑا اسسٹنٹ سیکرٹری جنرل جبکہ عباس آفریدی اور طلاق چودھری جوائنٹ سیکرٹری ہوں گے۔ مریم اورنگ زیب سیکرٹری اطلاعات، پرویز ملک سیکرٹری خزانہ اور طارق فاطمہ سیکرٹری پالیسی اینڈ ریسرچ ہوں گے۔

رانا ثناء اللہ پنجاب مسلم لیگ کے صدر ہوں گے

اس کے علاوہ تیرہ رکنی اکنامک ایڈوازئری کونسل بھی تشکیل دی گئی ہے۔ مرکزی عہدیداروں کے ساتھ ساتھ پنجاب، سندھ اور کراچی کی تنظیموں کے عہدیداروں کا اعلان بھی کر دیا گیا ہے۔ مرکزی اور صوبائی سطح پر پہلے سے موجود تنظیموں کو توڑا نہیں گیا۔ رانا ثناء اللہ پنجاب مسلم لیگ کے صدر جبکہ سردار اویس لغاری جنرل سیکرٹری ہوں گے۔

پنجاب کے نائب صدور میں حنیف عباسی، حافظ نعمان، خواجہ سلمان رفیق اور راجہ قمر الاسلام ہوں گے جبکہ عظمٰی بخاری سیکرٹری اطلاعات ہوں گی۔ مفتاح اسماعیل سیکرٹری جنرل سندھ اور علی اکبر گجر سینئر نائب صدر سندھ ہوں گے۔ سلمان علی خان صدر کراچی اور ناصر الدین محمود جنرل سیکرٹری کراچی ہوں گے۔

متعلقہ خبریں

امریکی خاتون کا رحمان ملک پر زیادتی کا الزام، ن لیگ کو…

امریکی شہری اور بلاگر سنتھیا رچی نے سابق وزیر داخلہ رحمان ملک پر زیادتی کرنے کا الزام عائد…

10 گھنٹے
امریکی خاتون کا رحمٰن ملک پر زیادتی کا الزام، ن لیگ کو بھی دھمکی

تو نے مجھے رشتہ دینا ہے، شہباز گل کی صحافی سے بدتمیزی

وزیر اعظم عمران خان کے مشیر برائے سیاسی روابط شہباز گل نے نیوز ون کے رپورٹر کے ساتھ…

1 دن
تو نے مجھے رشتہ دینا ہے، شہباز گل کی صحافی سے بدتمیزی

جنوبی پنجاب سیکرٹریٹ کیلئے ایڈیشنل چیف سیکرٹر یاور ایڈیشنل آئی جی کی…

وزیراعلیٰ پنجاب عثمان بزدار نے جنوبی پنجاب سیکرٹریٹ کیلئے الگ ایڈیشنل چیف سیکرٹری اور ایڈیشنل آئی جی کی…

1 دن
جنوبی پنجاب سیکرٹریٹ کیلئے ایڈیشنل چیف سیکرٹر یاور ایڈیشنل آئی جی کی منظوری

وفاقی حکومت کا ایک بار پھرسخت لاک ڈاون پرغور

وفاقی حکومت نے ملک میں کورونا کیسز کی بڑھتی تعداد کے پیش نظر اسمارٹ لاک ڈاون میں سختی…

3 دن
وفاقی حکومت کا ایک بار پھرسخت لاک ڈاون پرغور

تازہ ترین

روٹی اور نان مہنگے ہو گئے

لاہور میں نان بائی ایوسی ایشن نے 10 جون سے روٹی 10 اور نان 15 روپے کرنے کا…

3 گھنٹے
روٹی اور نان مہنگے ہو گئے

پٹرول کی قلت، میڈیکل ایمرجنسی پر شہری میدان میں آ گئے

لاک ڈاون کی وجہ سے شہر قائد میں پٹرول کی قلت کا مسئلہ بڑھتا جارہا ہے ، اکثر…

4 گھنٹے
پٹرول کی قلت، میڈیکل ایمرجنسی پر شہری میدان میں آ گئے

تنخواہوں میں کٹوتی، پاکستان نے آئی ایم ایف کا مطالبہ مسترد کر…

پاکستان نے عالمی مالیاتی ادارے (آئی ایم ایف) کی طرف سے سرکاری ملازمین کی تنخواہوں میں کٹوتی کا…

5 گھنٹے
تنخواہوں میں کٹوتی، پاکستان نے آئی ایم ایف کا مطالبہ مسترد کر دیا

پاکستان فلور ملز ایسوسی ایشن نے آٹے کی قیمت میں مزید اضافہ…

پاکستان فلور ملز ایسوسی ایشن پنجاب زون نے آٹے کی قیمت میں مزید اضافہ کر دیا۔ پاکستان فلور…

6 گھنٹے
پاکستان فلور ملز ایسوسی ایشن نے آٹے کی قیمت میں مزید اضافہ کر دیا

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے