وزیراعلیٰ پنجاب عثمان بزدار نے عید کا پہلا روز چار شہریوں کے ہنگامی دورے کئیے، سینٹرل جیل بہاولپور میں انہوں نے جیل کے عملے اور قیدیوں کے ساتھ ملکر کھانا کھایا۔

اگر یہ کہا جائے کہ پاکستان میں عید کا پہلا روز سب سے زیادہ مصروف عثمان بزدار کا تھا تو غلط نہ ہو گا۔ بادشاہی مسجد لاہور میں عید کی نماز پڑھتے ہی سرگودھا، سیالکوٹ اور پھر بہاولپور میں لنچ اور شام کا اکھٹے کھانا کھایا۔ سینٹرل جیل میں وزیراعلیٰ نے خواتین قیدیوں کی بیرکس کا معائنہ کیا اوران میں عید کے تحائف تقسیم کیے۔ قیدیوں سے ملاقات کے بعد انہوں نے اکھٹے کھانا بھی کھایا۔ وزیراعلیٰ کاپنجاب کی جیلوں میں بند قیدیوں کیلئے 2 ماہ کی معافی کا اعلان بھی کیا اور کہا کہ پنجاب کے کسی وزیراعلیٰ نے قیدیوں کی سزاؤں میں کمی کے حوالے سے اپنے اختیارات استعمال نہیں کیے۔

وزیراعلی نے جیل انتظامیہ کو قیدیوں سے اچھا سلوک کرنے کی ہدایت کی۔ میڈیا سے گفتگو میں انہوں نے کہا کہ پاکستان ہر مشکل وقت میں کشمیریوں کے ساتھ کھڑا رہا ہے اور اب بھی پیچھے نہیں ہٹے گا۔