بِسمِ اللہِ الرَّحمٰنِ الرَّحِيم

21-August-2019

اس افطاری کا خوف کس کو

309 Views 0 3 مہینے
Posted at 19 مئی-2019

ماہ رمضان کی سب سے بڑی نہیں تو بڑوں کی افطاری آج ہو رہی ہے۔ جس کے میزبان پاکستان پیپلز پارٹی کے چیئرمین بلاول بھٹو ہیں اور سب سے بڑی مہمان مریم نواز ہیں

افطاری خیروبرکت اکٹھی کرنے کے لئے کی جا رہی ہے یا کوئی اور ایجنڈا۔ مہمانوں کی لسٹ دیکھے تو اسے سیاسی بیٹھک بھی کہہ سکتے ہیں۔ خیر دو روز سے اس افطاری کا خاصا چرچا ہو رہا ہے۔

اس پر وزیراعظم عمران خان نے بھی لب کشائی کی ہے بولے کہ ایک دوسرے کو کرپٹ کہنے والے مریم نواز اور بلاول بھٹو اب اکٹھے ہونے لگے ہیں عوام ان کا ساتھ مت دیں۔ ملکی معشیت کو اس نہج تک پہنچانے میں ان کے بڑوں کا ہاتھ ہے انہی لوگوں نے ملک تباہ کیا ہے

ٹویٹر

ن لیگ کی جانب سے مریم اورنگزیب کا ردعمل آیا ٹوئٹر پر لکھا
خوف کا اظہار۔ نہ مہنگائی پر بیان، نہ ڈالر زیادہ ہونے پر بیان، نہ گیس اور بجلی مہنگی ہونے پر بیان، نہ ملک کو آئی ایم ایف کے حوالے کرنے پر بیان، نہ تیل کے ذخائر نہ نکلنے پر افسوسناک خبر پر بیان، ایک افطاری کا اتنا خوف اور احساس

جواب میں وفاقی مشیر اطلاعات فردوس عاشق اعوان نے بھی بھرپور حملہ کیا۔ لکھا کہ جس اولاد کے لئے مال پانی اکٹھا کیا گیا وہ بینفیشریز لوٹ کے مال کو تحفظ دینے کے لیے لائحہ عمل پر غور کریں گے انہیں پاکستان کے عوام کا کوئی دکھ ہے نہ درد، آج افطار پر صرف اپنی بیرون ملک دولت کو ٹھکانے لگانے اور اومنی گروپ کے باپ کو تحفظ دینے کی ترکیب سوچیں گے

ٹویٹر

ایک روز پہلے بلاول بھٹو کی جانب سے ملک کی بیشتر سیاسی جماعتوں کو افطاری کی دعوت دی گئی ہے۔ سیاسی پنڈتوں کا کہنا ہے اس بیٹھک کا مقصد حکومت کے خلاف عید کے بعد تحریک کو شروع کرنا ہے جس کا نعرہ مہنگائی ہے۔

ماضی میں پیپلز پارٹی اور ن لیگ ایک دوسرے کے بد ترین حریف رہے ہیں مگر سیاست میں دوستی دائمی ہوتی ہے نہ دشمنی۔ بلکہ ماضی میں ایسا بھی ہوا ہے جب آصف علی زرداری اور نواز شریف ایک دوسرے کو بھائی بولتے تھے وہ وقت بھی آیا کہ دونوں چور اور ڈاکو کے القاب دینے لگے۔ فی الحال کپتان الیون کو شکست دینے کے لیے ملک کی سیاسی جماعتوں کی ٹیم بنائی جارہی ہے میچ کے شیڈول کا اعلان تو نہیں ہوا مگر عید کے بعد ٹاس ہونے کا قوی امکان ہے۔

متعلقہ خبریں

آصف زرداری اور فریال تالپور کو جیل میں…

عدالت نے سابق صدر آصف علی زرداری اور ان کی بہن فریال تالپور کو جیل میں اے کلاس…

13 گھنٹے

مسلہ کشمیر، حکومتی اقدام پر ن لیگ کے…

پاکستان مسلم لیگ ن کے سینیٹر مشاہد اللہ نے وزیراعظم عمران خان کی تعریف کرتے ہوئے کہا کہ…

17 گھنٹے

شہباز شریف کو کالم نویسی مبارک

طارق منیر بٹ لاہور۔ پرانی کہتاوت ہے کہ جس کا کام اسی کو ساجھے مگر آج کی تیز…

22 گھنٹے
شہباز شریف کالم نویسی مبارک

عمران خان کا واحد فیصلہ جس پر کسی…

وزیر اعظم عمران خان کی جانب سے آرمی چیف قمر جاوید باجوہ کے عہدے میں تین سال کی…

2 دن
آرمی چیف قمر جاوید باجوہ کی کو مزید ایک ٹرم مل گئی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے