کراچی۔ کہنے کو تو سندھ پولیس پاکستان کی دوسری بڑی پولیس فورس کا درجہ رکھتی ہے مگر سیاسی تعیناتیوں کی وجہ سے اس کی کارکردگی سب سے خراب رہی ہے۔ یہی وجہ ہے کہ سندھ رینجر کو شہر قائد میں امن و امان کی بحالی کیلئے آنا پڑا۔

سندھ پولیس آرڈر کا پہلا شکار ایڈیشنل آئی جی سندھ امیر شیخ بنے

اب کراچی کی امن و امان کی صورتحال کا کریڈٹ بڑی حد تک رینجر اور سیکیورٹی فورسز کو جاتا ہے جس نے شہر قائد کی روشنیاں بحال کیں۔ اب سندھ حکومت کو بھی کراچی میں امن و امان کی صورتحال بہتر بنانے کا خیال آ گیا ہے۔ نیا سندھ پولیس آرڈر دوبارہ پاس ہونے کے بعد یہ آرڈر باقاعدہ لاگو ہو گیا ہے۔

غلام نبی میمن نئے کراچی پولیس چیف ہوں گے

اس کے تحت گریڈ انیس سے اوپر تقرریوں اور تبادلوں کے اختیارات وزیر اعلٰی سندھ کو حاصل ہو گئے ہیں۔ سندھ پولیس آرڈر کا پہلا شکار ایڈیشنل آئی جی سندھ امیر شیخ بنے ہیں۔ انہیں آج کراچی پولیس چیف کے عہدے سے ہٹا دیا گیا ہے۔ ان کی جگہ غلام نبی میمن نئے کراچی پولیس چیف ہوں گے۔ انہیں سندھ حکومت کے خاصا قریب خیال کیا جاتا تھا۔ وہ گیارہ ماہ اس عہدے پر فائز رہے مگر دورانیہ ڈیڑھ برس بنتا تھا۔