لاہور۔ پہلی بیوی کی اجازت کے بغیر دوسری شادی کرنا دلہے میاں کو مہنگا پڑ گیا۔ پہلی بیوی نے انصاف کے حصول کیلئے عدالت کا دروازہ کھٹکھٹایا تو عدالت نے بھی ایسی سزا سنائی کہ دولہے میاں کے چودہ طبق روشن ہو گئے۔

بغیر اجازت شادی کرنا ایک قابل دست اندازی جرم ہے

لاہور کے علاقے اچھرہ کی رہائشی شمیم بی بی کو اپنے شوہر راشد کی دوسری شادی کا پتہ چلا تو وہ انصاف کیلئے عدالت پہنچ گئی اور درخواست میں موقف اختیار کیا کہ شوہر نے اس کی اجازت کے بغیر دوسری شادی رچالی ہے اور بغیر اجازت شادی کرنا ایک قابل دست اندازی جرم ہے۔

نویلے دلہے پر جرم ثابت ہونے کی بنا پر 11 ماہ کیلئے جیل کی ہوا کھانے بھیج دیا

جس پر جوڈیشل مجسٹریٹ امان اللہ بھٹی نے نئے نویلے دلہے پر جرم ثابت ہونے کی بنا پر 11 ماہ کیلئے جیل کی ہوا کھانے بھیج دیا اور اس کے ساتھ ساتھ اڑھائی لاکھ روپے جرمانہ بھی کر دیا۔ دوسری شادی کا خیال دل میں سجانے والے راشد کا حال دیکھ لیں کہ دوسری شادی کے جرم میں نہ صرف جیل میں چکی پیسنی پڑے گی بلکہ بھاری جرمانے کا بھی بندوبست کرنا ہو گا۔

واضح رہے اسلام آباد ہائیکورٹ نے دوسری شادی کرنے والے شخص کیلئے نہ صرف بیوی بلکہ میرج کورٹ سے بھی اجازت لینے کا حکم دے رکھا ہے۔