بِسمِ اللہِ الرَّحمٰنِ الرَّحِيم

18-August-2019

سنگین غداری کیس میں مشرف کا حق دفاع ختم ہو گیا

237 Views 0 2 مہینے
سنگین غداری کیس میں مشرف کا حق دفاع ختم ہو گیا
Posted at 12 جون-2019

اسلام آباد۔ لگ بھگ 8 سال تک پاکستان کے اقتدار کے سیاہ و سفید کے مالک رہنے والے سابق صدر جنرل (ر) پرویز مشرف آج کل صحت کے ہاتھوں زندگی کی جنگ لڑ رہے ہیں۔ پچھلے کئی سال سے دبئی میں جلاوطنی کی زندگی بسر کر رہے ہیں اور وہاں ایک نجی ہسپتال میں زیر علاج ہیں۔

سپریم کورٹ میں پیشی کے دوران چیف جسٹس آصف سعید کھوسہ نے انہیں رواں ماہ کے آغاز میں ہر صورت میں ٹرائل کورٹ کے روبرو پیش ہونے کی ہدایت کی تھی۔ عدم حاضری کی صورت میں ان کا حق دفاع ختم کرنے کا خصوصی عدالت کو بھی حکم جاری کیا تھا۔ سنگین غداری کیس میں ایک بار پھر خصوصی عدالت میں پیش نہ ہونے پر ان کا حق دفاع ختم کر دیا گیا۔

انہیں ہر صورت ٹرائل کورٹ کے روبرو پیش ہونے کی ہدایت تھی

جسٹس طاہرہ صفدر کی سربراہی میں خصوصی عدالت کے تین رکنی بینچ نے ان کیخلاف سنگین غداری کیس کی سماعت کی۔ اس کی عدم حاضری پر مشرف کے وکیل نے ایک مرتبہ پھر خصوصی عدالت سے ان کے موکل کو ایک اور موقع دینے کی استدعا کی۔ خصوصی عدالت نے یہ درخواست مسترد کرتے ہوئے مسلسل غیر حاضری پر ان کا حق دفاع ختم کر دیا۔

Courtesy express Tribune

ان کے موکل زندگی اور موت کی جنگ لڑ رہے ہیں

قبل ازیں پرویز مشرف کے وکیل نے خصوصی عدالت سے استدعا کی کہ ان کے موکل زندگی اور موت کی جنگ لڑ رہے ہیں۔ وہ جسمانی اور ذہنی طور پر اس قابل نہیں کہ وطن واپس آ سکیں۔ ان کا وزن تیزی سے کم ہو رہا ہے۔ وہ وہیل چیئر پر ہیں اور پیدل چل نہیں سکتے۔ ان کے دل کی کیموتھراپی ہو رہی ہیں۔

انسانی ہمدردی کے تحت انہیں ایک اور موقع دیا جائے

انسانی ہمدردی کے تحت انہیں ایک اور موقع دیا جائے تاکہ وہ خود عدالت میں پیش ہو سکیں مگر عدالت نے مشرف کے وکیل کی استدعا مسترد کرتے ہوئے ان کا حق دفاع ختم کر دیا۔ خصوصی عدالت نے قرار دیا کہ مفرور ملزم پرویز مشرف اب وکیل کی خدمات بھی حاصل نہیں کرسکتا۔ اب قانون کے مطابق عدالت خود مشرف کے دفاع کیلئے وکیل مقرر کرے گی۔

متعلقہ خبریں

بھارتی کرنل نے کشمیریوں پر ظلم ڈھانے کی…

سری نگر۔ مقبوضہ کشمیر کا خصوصی درجہ ختم کرنے کے بعد کشمیریوں پر مودی سرکار کے ظلم و…

7 منٹ
بھارتی کرنل نے کشمیریوں پر ظلم ڈھانے کی بجائے استعفٰی دے دیا

ترکی کا کشمیر پر سلامتی کونسل کے اجلاس…

انقرہ۔ ترکی پاکستان کا عظیم برادر دوست اسلامی ملک ہے۔ مشکل کی ہر گھڑی میں پاکستان کا ساتھ…

51 منٹ
ترکی کا کشمیر پر سلامتی کونسل کے اجلاس کا خیرمقدم

کشمیر میں کرفیو 14ویں روز میں داخل، کھانے…

سری نگر۔ مودی سرکار کی جانب سے مقبوضہ کشمیر کا خصوصی درجہ ختم ہونے کو 14 روز گزر…

2 گھنٹے
کشمیر میں کرفیو 14ویں روز میں داخل، کھانے پینے کا شدید بحران

الیکشن کمیشن کے غیر فعال ہونے کا خدشہ

اسلام آباد۔ الیکشن کمیشن آف پاکستان ایک آئینی ادارہ ہے۔ چیف الیکشن کمیشن اور چاروں صوبائی ممبران کی…

2 گھنٹے
الیکشن کمیشن کے غیر فعال ہونے کا خدشہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے