بِسمِ اللہِ الرَّحمٰنِ الرَّحِيم

29-May-2020

معیشت کی بحالی کیلئے آرمی چیف کا بڑا اقدام

paktv Avatar
319 Views 0 8 مہینے
Dawn
Posted at 3 اکتوبر-2019

راولپنڈی۔ پاک فوج نہ صرف ملک کی نظریاتی بلکہ دفاعی سرحدوں کی بھی محافظ ہے۔ زمانہ امن ہو یا جنگی صورتحال، مشکل کی ہر گھڑی میں پاک فوج عوام کے شانہ بشانہ کھڑی ہوتی ہے۔ اب ملکی معیشت کو لاحق خطرات سے نمٹنے کیلئے بھی پاک فوج حکومت کے ساتھ کھڑی ہے۔ وزیراعظم عمران خان نے معیشت کو لاحق خطرات سے نمٹنے کیلئے ”قومی معاشی کونسل“ بنائی تو اراکین میں آرمی چیف بھی شامل تھے۔

سیمینار کی میزبانی آرمی چیف قمر جاوید باجوہ نے کی

اب پاک آرمی کی جانب سے ”معیشت اور سلامتی“ پر سیمینار کا انعقاد آرمی چیف کا معیشت کو پٹڑی پر لانے کیلئے بڑا اقدام قرار دیا جارہا ہے۔ آرمی آڈیٹوریم میں منعقدہ سیمینار کی میزبانی آرمی چیف جنرل قمر جاوید باجوہ نے کی۔ تقریب میں حکومتی اقتصادی ٹیم، تاجر برادری بھی شریک ہوئی۔ اس موقع پر آرمی چیف قمر جاوید باجوہ کا کہنا تھا کہ حکومت کی معاشی ٹیم اور کاروباری حضرات کا ایک پلیٹ فارم پر اکٹھے مل بیٹھ کر بات چیت اچھا شگون ہے۔

Courtesy Ispr

حکومتی ٹیم نے کاروباری برادری کو دی جانیوالی سہولیات کے بارے میں آگاہ کیا

سرکاری اور نجی اداروں میں تعاون سے معاشی سرگرمیوں پر خوشگوار اثر پڑے گا۔ اس موقع پر آرمی چیف نے کہا کہ خوشحالی قومی سلامتی کی ضروریات پوری کرنے اور معاشی ترقی سے ہی آ سکتی ہے۔ پاک آرمی کا سیمینار کرانے کا مقصد مستقبل کے لائحہ عمل کیلئے تمام فریقین کو ایک پیج پر لانا ہے۔ اس موقع پر حکومتی ٹیم نے کاروباری برادری کو دی جانیوالی سہولیات کے بارے میں آگاہ کیا۔

اس موقع پر آرمی چیف نے کہا کہ ملک میں داخلی سلامتی کی صورت میں بہتری آئی ہے۔ اس کے اقتصادی سرگرمیوں پر بھی مثبت اثرات مرتب ہورہے ہیں۔ آئی ایس پی آر کے مطابق حکومتی اقتصادی ٹیم نے تاجروں کو کاروبار میں آسانی دینے کیلئے اپنی سفارشات سے آگاہ کیا اور ان کے تحفظات دور کرنے کی یقین دہانی کرائی۔ حکومتی اقتصادی ٹیم نے کہا کہ قومی معیشت میں استحکام کی کوششوں کے حوصلہ افزائی نتائج سامنے آ رہے ہیں۔

کاروباری ماحول بہتر بنانے کیلئے تجاویز پرتبادلہ خیال

آئی ایس پی آر کے مطابق تاجروں نے کاروباری ماحول کو مزید بہتر بنانے کیلئے تجاویز پر تبادلہ خیال کیا۔ تاجروں نے اس موقع پر یقین دہانی کرائی کہ حکومت سے اصلاحات کے نفاذ میں پورا تعاون کریں گے۔ باخبر ذرائع کا کہنا ہے کہ ملک کی معیشت میں بظاہر بہتری کے دعوے تو کئے جا رہے ہیں مگر تاجر برادری میں بے چینی مسلسل بڑھ رہی ہے۔

بڑھتی مہنگائی اور آزاد معیشت دانوں کے خدشات کے پیش نظر آرمی چیف نے تمام فریقوں کو ایک پلیٹ پر بٹھا کر معیشت کے پہیئے کو رواں دواں رکھنے کیلئے ایک مرتبہ پھر اپنی قومی ذمہ داری نبھائی ہے۔

واضح رہے تاجروں کی جانب سے ایک مرتبہ پھر 9 اکتوبر کو ملک گیر ہڑتال کی کال آ چکی ہے۔ ایک طرف مولانا فضل الرحمان اور اپوزیشن دھرنے کی تیاریوں میں مصروف ہے تو دوسری جانب منی بجٹ لانے کی افواہوں پر عوام اور تاجر برادری میں تشویش پائی جاتی ہے۔

متعلقہ خبریں

ڈاکووں نے 3 پولیس اہلکاروں کو اغوا کرلیا

راجن پور کے شہر روجھان کے کچہ سونمیانی سے ڈاکووں نے 3 پولیس اہلکاروں کو اغوا کرلیا۔ پولیس…

4 دن
ڈاکووں نے 3 پولیس اہلکاروں کو اغوا کرلیا

بلوچستان میں اسمارٹ لاک ڈاون میں 2 جون تک توسیع کر دی…

بلوچستان حکومت نےصوبے بھر میں اسمارٹ لاک ڈاون کی مدت میں 15 روز کی توسیع کر دی ہے۔…

1 ہفتہ
بلوچستان میں اسمارٹ لاک ڈاون میں 2 جون تک توسیع کر دی گئی

طبی عملے کا وزیراعظم کی آمد پر چہرہ موڑ کر احتجاج

دنیا بھر میں کورونا وائرس سے نمٹنے کیلئے ڈاکٹرز اور طبی عمل اپنی مہ داریاں ادا کر رہے…

1 ہفتہ
طبی عملے کا وزیراعظم کی آمد پر چہرہ پھیر کر احتجاج

لینڈ سلائیڈنگ سے وادی نیلم کا ملک کے دیگر حصوں سے زمینی…

آزاد کشمیر میں لینڈ سلائیڈنگ کے باعث شاہراہ نیلم کا بڑا حصہ نوسیری کے مقام پر ٹوٹنے سے…

2 ہفتے
لینڈ سلائیڈنگ سے وادی نیلم کا ملک کے دیگر حصوں سے زمینی رابطہ منقطع

تازہ ترین

لاہور میں کوڑا دان سےخاتون کی کٹی ہوئی ٹانگیں برآمد

لاہور میں کوڑادان سےخاتون کی کٹی ہوئی ٹانگیں برآمد ہوئی ہیں، دھڑ کی تلاش کی جا رہی ہے۔…

4 گھنٹے
لاہور میں کوڑا دان سےخاتون کی کٹی ہوئی ٹانگیں برآمد

پاکستان کورونا کو شکست دینے والے ٹاپ 20 ممالک میں شامل ہو…

کورونا وائرس کے تناظر میں کم ترین شرحِ اموات اور اس بیماری کو شکست دے کر صحتیاب ہوجانے…

9 گھنٹے
پاکستان کورونا کو شکست دینے والے ٹاپ 20 ممالک میں شامل ہو گیا

پنجاب حکومت کا ریسٹورنٹس اور تفریحی مقامات کھولنے کا فیصلہ

پنجاب حکومت کی جانب سے ریسٹورنٹس اور تفریحی مقامات کھولنے کا فیصلہ کیا گیا ہے۔ وزیراعلیٰ پنجاب عثمان…

10 گھنٹے
پنجاب حکومت کا ریسٹورنٹس اور تفریحی مقامات کھولنے کا فیصلہ

حج و عمرہ ابھی معطل رہیں گے، سعودی وزارت مذہبی امور

سعودی وزارت مذہبی امور کا کہنا ہے کہ کورونا وائرس ی وجہ سے موجودہ حالات کے پیش نظر…

11 گھنٹے
حج و عمرہ ابھی معطل رہیں گے، سعودی وزارت مذہبی امور

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے