ادیس بابا۔ ایتھوپیا افریقہ کا غریب ترین ملک ہے جہاں قحط سالی اور غربت نے ڈھیرے ڈال رکھے ہیں۔ ایتھوپیا کے عوام طویل عرصے سے سیاسی انتشار کے خاتمے کا مطالبہ کر رہے تھے جس پر ایتھوپین وزیراعظم ابے احمد نے ملک میں سیاسی قیدیوں کو نہ صرف رہائی دی بلکہ سیاسی جماعتوں پر سے پابندی بھی اٹھائی اور اپوزیشن کے مطالبے پر انسانی حقوق کی خلاف ورزیوں کیخلاف کارروائیوں کا آغاز بھی کیا مگر ان تمام کارروائیوں کے باوجود ایتھوپیا میں نسلی تصادم پورے عروج پر ہے۔

نو ریاستوں میں بغاوت ناکام بنائی گئی

ایتھوپیا میں ناکام بغاوت کے باوجود سیاسی شورش کے نتیجے میں آرمی چیف سمیت ریاست امہارا کے سربراہ اور مشیر ہلاک ہو گئے۔ وزیراعظم ابے احمد نے ٹی وی خطاب میں بغاوت کو ناکام بنانے کی تصدیق کرتے ہوئے کہا ہے کہ فائرنگ کے نتیجے میں آرمی چیف ہلاک ہو گئے۔

ملک بھر میں انٹرنیٹ اور موبائل سروس بند

انہوں نے مزید کہا کہ نو ریاستوں میں بغاوت ناکام بنائی گئی۔ بغاوت کے دوران ملک بھر میں انٹرنیٹ اور موبائل سروس بند کر دی گئی۔ امریکی سفارت خانے نے ایتھوپیا کی صورتحال پر سیکیورٹی ہائی الرٹ جاری کر دیا اور اپنے سٹاف کو گھر سے باہر نہ نکلنے کی ہدایت کی ہے۔