بِسمِ اللہِ الرَّحمٰنِ الرَّحِيم

18-July-2019

صوبے کی تقسیم کی بات گورنر سندھ کو مہنگی پڑ گئی

294 Views 0 2 مہینے
صوبے کی تقسیم کی بات گورنر سندھ کو مہنگی پڑ گئی
Posted at 9 مئی-2019

اسلام آباد۔ گورنر براہ راست وفاق کا نمائندہ ہوتا ہے اور صوبے میں اس کے مفادات کی نگہبانی کرتا ہے۔ لہٰذا صوبے میں اس کا کردار رسمی نوعیت کا ہوتا ہے۔ پی ٹی آئی کو الیکشن 2018ء میں کراچی سے بھاری مینڈیٹ ملا۔ یہی وجہ ہے کہ ملک کے سب سے بڑے میٹروپولیٹن شہر سے صدر مملکت عارف علوی اور گورنر سندھ عمران اسماعیل کا انتخاب عمل میں لایا گیا۔

گورنر سندھ پارلیمانی سیاست کا تجربہ نہ ہونے کی وجہ سے اکثر ایسے بیانات دے دیتے ہیں جس کا خمیازہ ان کی جماعت کو بھگتنا پڑتا ہے۔ گزشتہ دنوں گورنر سندھ نے صوبے کی تقسیم کی بات کر کے ایک مرتبہ پھر ماحول میں تلخی پیدا کر دی۔اب یہ الگ بات ہے کہ ان کی زبان پھسل گئی یا جان بوجھ کر ایسا کہا۔ اس مرتبہ بات صوبے سے نکل کر سینیٹ تک جا پہنچی۔

سینیٹ میں پیپلز پارٹی اور ن لیگ نے انہیں آڑے ہاتھوں لیتے ہوئے برطرفی کا مطالبہ کر دیا

سینیٹ میں دونوں بڑی جماعتوں پیپلز پارٹی اور ن لیگ نے انہیں آڑے ہاتھوں لیتے ہوئے ان کی برطرفی کا مطالبہ کر دیا۔ سابق چیئرمین سینیٹ رضا ربانی جوش خطابت میں دو ہاتھ مزید آگے بڑھ گئے۔ انہوں نے اپنے خطاب میں کہا کہ گورنر سندھ کو جرات کیسے ہوئی کہ وہ سندھ کی تقسیم کی بات کریں۔ وہ پہلے اپنے عہدے سے استعفٰی دیں پھر سندھ کی تقسیم کی بات کریں۔

گو رنر سندھ ایسا رویہ اپنائے ہوئے ہیں جیسے وہ سندھ کے وزیراعلٰی بن گئے ہیں۔ مشاہدہ اللہ بھلا کہاں چپ رہنے والے تھے۔ بولے گورنر وفاق کا نمائندہ ہوتا ہے اگر وہ ایسی باتیں کرے تو اسے اپنے عہدے پر رہنے کا حق نہیں ہے۔ وزیراعظم عمران خان انہیں برطرف کریں۔ شیریں رحمٰن کا جوش خطابت بھی دیدنی تھا۔ ان کا استدلال یہ تھا کہ وزیراعظم خان کو سینیٹ طلب کیا جائے اور گورنر سندھ کے بیان پر وضاحت لی جائے۔

متعلقہ خبریں

کلبھوشن یادیو کون تھا ؟

عالمی عدالت نے کلبھوشن یادیو کو دہشتگرد قرار دیدیا ۔کلبھوشن یادیو ہے کون تھا اور اسے پکڑا کیسے…

11 گھنٹے

کلبھوشن جادیو دہشت گرد ہے، عالمی عدالت نے…

کلبھوشن یادیو کیس میں بھارت کو عالمی عدالت میں منہ کی کھانی پڑی، انٹرنیشنل کورٹ آف جسٹس نے…

12 گھنٹے

حافظ سعید ضمانت کے بعد پھر گرفتار

کالعدم تنظیم کے سربراہ حافظ سعید کو کاؤنٹر ٹیررازم ڈیپارٹمنٹ نے لاہور سے گوجرانولہ جاتے ہوئے گرفتار کر…

18 گھنٹے

شہباز شریف کے مفرور داماد علی عمران کے…

لاہور۔ سابق وزیراعلٰی شہبازشریف کے مفرور داماد علی عمران کے گرد گھیرا مزید تنگ ہو گیا ہے۔ انہیں…

1 دن
شہباز شریف کے مفرور داماد علی عمران کے گرد مزید گھیرا تنگ ہونے لگا

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے