بِسمِ اللہِ الرَّحمٰنِ الرَّحِيم

19-September-2019

ڈینگی متاثرین کی ملک بھر میں تعداد ہزاروں میں پہنچ گئی

81 Views 0 2 ہفتے
ڈینگی متاثرین کی ملک بھر میں تعداد ہزاروں میں پہنچ گئی
Social Media
Posted at 8 ستمبر-2019

پشاور۔ ڈینگی ایک مہلک مرض ہے جو ایک مخصوص مچھر کے نتیجے میں لاحق ہوتا ہے۔ چند برس قبل ڈینگی نے پنجاب خاص طور پر لاہور کو شدید متاثر کیا تھا۔ اب ملک بھر میں ڈینگی کے ہزاروں کیسز منظرعام پر آ چکے ہیں۔ اب خیبرپختونخواہ میں بھی ڈینگی کے اعدادوشمار میں تشویش ناک حد تک اضافہ ہو رہا ہے۔ تازہ رپورٹ کے مطابق پشاور میں ڈینگی کے متاثرین کی تعداد 17 سو تک پہنچ گئی ہے۔

Courtesy Social Media

پشاور میں متاثرین کی تعداد 17 سو تک پہنچ گئی ہے

ڈینگی وائرس سے ایک خاتون جاں بحق جبکہ پچیس سے زائد متاثرین خیبر ٹیچنگ ہسپتال میں زیر علاج ہیں۔ پچھلے کے آغاز سے لیکر اب تک 1700 افراد کے ڈینگی میں مبتلا ہونے کی تصدیق ہو چکی ہے مگر افسوس ناک بات یہ ہے کہ ڈی جی صحت پشاور صرف 486 کیسز سامنے آنے پر بضد ہیں۔ پشاور کیہسپتالوں کو ڈینگی کے اعدادوشمار میڈیا کو دینے سے منع کر دیا گیا ہے۔

اسلام آباد میں ڈینگی متاثرین 1500 سے متجاوز

دوسری جانب وفاقی دارالحکومت اسلام آباد میں ڈینگی متاثرین کی تعداد 1500 سے تجاوز کر گئی۔ اسلام آباد کے سب سے بڑے ہسپتال پاکستان انسٹی ٹیوٹ آف میڈیکل سائنسز کے مطابق اب تک 15 سو سے زائد ڈینگی متاثرین کی تصدیق ہو چکی ہے۔ اگست میں 12 سو جبکہ گزشتہ ہفتے مزید 300 کیسز رپورٹ ہوئے۔

پمز میں 20 ڈینگی متاثرین زیر علاج ہیں۔ ان میں پانچ کی حالت تشویش ناک ہے۔ پولی کلینک میں تاحال 41 مریضوں میں ڈینگی کی تصدیق ہوئی۔ ادھر کراچی میں بھی ڈینگی سے ایک خاتون کی موت کی تصدیق ہوئی ہے جبکہ شہر قائد میں بھی ڈینگی کے بڑھتے ہوئے کیسز پر شہریوں کی جانب سے تشویش ظاہر کی جا رہی ہے۔

صوبہ پنجاب کے کئی بڑے شہروں میں بھی ڈینگی کے کیسز رپورٹ ہوئے۔ وزیراعلٰی عثمان بزدار نے ڈینگی سے نمٹنے کیلئے صوبے بھر میں میڈیکل عملے کو الرٹ رہنے کا حکم بھی دے رکھا ہے۔ لاہور میں بھی ڈینگی ٹیموں کو سپرے کرنے کیلئے متحرک کر دیا گیا ہے۔

متعلقہ خبریں

باسی دال کھانے سے پانچ افراد ہسپتال پہنچ گئے

مظفر گڑھ۔ شاہ جمال روڈ مونڈکا ہسپتال کے قریب مضر صحت دال کھانے سے ایک ہی گھر کے…

1 ہفتہ
باسی دال کھانے سے پانچ افراد ہسپتال پہنچ گئے

مردہ خاتون کے ہاں صحت مند بچی کی پیدائش

پراگ۔ اسے سائنس کی دنیا کا عجوبہ کہا جائے یا قدرت کی کاریگری جسے سن کر نہ صرف…

2 ہفتے
مردہ خاتون کے ہاں صحت مند بچی کی پیدائش

لاڑکانہ میں کتے کے کاٹنے کی دوا بھی نہیں

لاڑکانہ۔ ایک دور میں لاڑکانہ کو پیپلز پارٹی کا قلعہ کہا جاتا تھا۔ پورے ملک کی توجہ کا…

2 ہفتے
لاڑکانہ میں کتے کے کاٹنے کی دوا بھی نہیں

ایم ٹی آئی ایکٹ نجکاری نہیں، اصلاحاتی منصوبہ ہے۔ عمران خان

اسلام آباد۔ عوام کی صحت میں بہتری لانا وزیر اعظم کے ویژن کا اہم حصہ ہے مگر معاشی…

2 ہفتے
ایم ٹی آئی ایکٹ نجکاری نہیں، اصلاحاتی منصوبہ ہے۔ عمران خان

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے