بِسمِ اللہِ الرَّحمٰنِ الرَّحِيم

20-September-2019

پاکستان بھر میں آج بھارتی یوم آزادی پر یوم سیاہ منایا جا رہاہے

174 Views 0 1 مہینہ
پاکستان بھر میں آج بھارتی یوم آزادی پر یوم سیاہ منایا جا رہاہے
Posted at 15 اگست-2019

لاہور۔ مقبوضہ کشمیر کا خصوصی درجہ ختم کرنے اور نہتے کشمیریوں پر بربریت اور مظالم کے پہاڑ توڑنے پر پاکستان بھر میں بھارت کے یوم آزادی کو یوم سیاہ کے طور پر منایا جا رہا ہے۔ آج ملک بھر میں ریلیاں نکالی جائیں گی۔ کشمیر پر بھارتی غاصبانہ قبضے کے حوالے سے اسکا مکروہ چہرہ دنیا کے سامنے بے نقاب کیا جائیگا۔

Courtesy Dunya

ریلیوں میں شریک تمام افراد بطور احتجاج بازوؤں پر سیاہ پٹیاں باندھیں

قومی سلامتی کمیٹی اور حکومتی فیصلوں کی روشنی میں آج بھارت کے یوم آزادی کو یوم سیاہ کے طور پر منایا جا رہا ہے۔ اس حوالے سے وزارت داخلہ نے بھی نوٹیفکیشن جاری کیا کہ بھارت کا یوم آزادی یوم سیاہ کے طور پر منایا جائے گا۔

بھارتی بربریت، مظالم اور مقبوضہ کشمیر کی خصوصی حیثیت ختم کرنے کے غیر آئینی اقدام کے خلاف احتجاجی ریلیاں نکالی جائیں گی اور ملک بھر میں خصوصی تقریبات منعقد ہوں گی جس میں مقبوضہ کشمیر کے نہتے کشمیریوں سے اظہار یک جہتی کیا جائے گا اور بھارتی ریاستی دہشت گردی اور مظالم کیخلاف آواز اٹھائی جائے گی۔

حکومت پنجاب نے صوبے بھر کے کمشنرز اور 36 اضلاع کے ڈپٹی کمشنرز سرکاری اداروں کے سربراہوں کے نام باقاعدہ سرکلر جاری کیا ہے جس میں یہ حکم دیا گیا ہے کہ ریلیوں میں شریک تمام افراد بطور احتجاج بازوؤں پر سیاہ پٹیاں باندھیں۔ ریلیوں میں پاکستان اور آزاد کشمیر کے پرچم لہرائے جائیں گے۔

سرکلر میں پنجاب بھر کی تمام سرکاری، پرائیویٹ عمارتوں، گھروں، کمرشل املاک، پلازوں پر پاکستان اور آزاد کشمیر کے پرچم لہرائے جائیں گے۔ اس کے ساتھ ساتھ بھارتی ظلم کیخلاف سیاہ پرچم لہرانے کی بھی ہدایات جاری کی گئی ہیں۔

سرکلر میں پنجاب بھر میں بڑی احتجاجی ریلیاں نکالنے کا حکم بھی دیا گیا ہے۔ صوبے بھر کے ڈپٹی کمشنرز، پولیس افسران کو سخت ہدایات جاری کی گئی ہیں کہ ان تمام ریلیوں کیلئے فول پروف سیکیورٹی انتظامات کو یقینی بنایا جائیگا۔ دوسری جانب تمام اپوزیشن جماعتوں نے بھی یوم سیاہ کی تقریبات کو حتمی شکل دے دی ہے۔

مسلم لیگ ن یوم سیاہ پر کشمیریوں سے اظہار یک جہتی کیلئے آزاد کشمیر میں جلسہ کرے گا جبکہ حریت کانفرنس کی جانب سے بھارتی ہائی کمیشن کے باہر احتجاجی مظاہرہ کیا جائیگا۔ آزاد کشمیر اور راولپنڈی میں طلبہ ریلی بھی نکالیں گے۔

متعلقہ خبریں

امریکہ جاپان میں پاکستانی لڑکوں کی مانگ کیوں

پاکستان بارے نہ جانے کیوں دشمن افواہیں پھیلاتا رہتا ہے یہاں کے لڑکے تو ایسے بھلے مانس ہیں…

2 دن

اب غریبوں کیلئے پارکوں میں شادی کرنا بھی مشکل کر دیا گیا

لاہور۔ پی ٹی آئی کی حکومت نے اقتدار میں آنے سے پہلے غریب عوام کو خوب سبز باغ…

1 ہفتہ
اب غریبوں کیلئے پارکوں میں شادی کرنا بھی مشکل کر دیا گیا

ملک بھر میں یوم عاشور عقیدت و احترام سے منایا جا رہا…

کراچی۔ واقعہ کربلا میں نواسہ رسول حضرت امام عالی مقام اور ان کے ساتھیوں کی اسلام کی سربلندی…

1 ہفتہ
ملک بھر میں یوم عاشور عقیدت و احترام سے منایا جا رہا ہے

عرس بابا فرید پر پولیس گردی کا سلسلہ تھم نہ سکا

پاک پتن۔ بابا فرید مسعود شکر گنج کے عقیدت مندوں کی ایک بڑی تعداد ہر سال ان کے…

2 ہفتے
عرس بابا فرید پر پولیس گردی کا سلسلہ تھم نہ سکا

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے