ایک وقت تھا جب سابق وزیراعلی پنجاب میاں شہباز شریف پر الزام عائد ہوتا کہ وہ لاہور کو پورا پنجاب سمجھتے تھے مگر اب جنوبی پنجاب سے تعلق رکھنے والے وزیراعلی پنجاب عثمان بزدار کی توجہ اپنے علاقے پر مرکوز ہے۔ ان کی ہدایت پر لاہور میں ڈیرہ غازی خان فیسٹیول کرایا جا رہا ہے۔

وزیراعظم عمران خان نے بھی کہا تھا کہ عثمان بزدار کو وزیراعلی بنانے کا ایک مقصد یہ بھی ہے کہ جنوبی پنجاب کی محرومی ختم کی جائے۔
الحمرا ہال لاہور میں ‘ڈیرہ غازی خان فیسٹیول’ کا پوسٹر سب کی توجہ کا مرکز بنا ہوا ہے، کیونکہ لاہور میں ایسے پوسٹرز تبدیلی ہی مانے جا رہے ہیں۔

وزیراعلیٰ پنجاب عثمان بزدار کی خصوصی ہدایت پر سجنے والے شو کا باقاعدہ افتتاح بھی انہوں نے خود کیا۔ جب ان کی آمد پر معروف سرائیکی گانا ‘چٹا چولا سی وے درزی’ لگایا گیا اور محفل تالیوں سے گونج پڑی۔
سرائیکی گانوں کے ساتھ خوبصورت قبائلی رقص پیش بھی پیش کیا گیا۔ اس موقع پر لوک گلوکار پٹھانے خان کے نواسے اویس پٹھانے خان، مہربان احمد، محمدعلی مزاری اور دیگرفنکاروں نے لوک گائیکی کامظاہرہ کیا۔ تقریب میں کچھ لاہوری بھی موجود تھے جنہیں جنوبی پنجاب کی ثقافت دل کو بھائی۔