بِسمِ اللہِ الرَّحمٰنِ الرَّحِيم

19-September-2019

درخت آگاؤ مہم کے مزدور نو ماہ سے تنخواہوں سے محروم

51 Views 0 1 ہفتہ
درخت آگاؤ مہم کے مزدور تنخواہوں سے محروم
FACE BOOK
Posted at 11 ستمبر-2019

پشاور۔ خیبر پختونخواہ میں سابق وزیر اعلٰی پرویز خٹک کی حکومت نے ایک ارب پودے لگانے کا ٹارگٹ پورا کیا۔ وزیراعظم عمران خان اس کا اب بھی کریڈٹ لیتے ہیں۔ ان کا دعویٰ ہے کہ غیر ملکی میڈیا بھی خیبرپختوا کی درخت آگاؤ مہم کی کامیابی کی تصدیق کر چکا ہے۔

Courtesy Facebook

ایک لاکھ مزدوروں کے واجبات دو ارب تک جا پہنچے ایک لاکھ مزدوروں کے واجبات دو ارب تک جا پہنچے

اب خیبر پختونخوا میں مزید دس ارب پودے لگانا وزیراعظم عمران خان کا وژن ہے۔ بدقسمتی سے خیبرپختونخوا میں اس منصوبے پر کام کرنیوالے مزدوروں کو نو ماہ سے تنخواہ کی ادائیگی نہیں ہو سکی۔ لگ بھگ ایک لاکھ مزدوروں کے واجبات دو ارب تک جا پہنچے ہیں۔ 27 ارب کے اس منصوبے پر 10 ارب پودے چارسال میں لگائے جانے ہیں۔

محکمہ جنگلات خیبرپختونخوا نے اس منصوبے پر جنوری 2019ء میں ہی کام شروع کر دیا تھا۔ سرکاری فنڈز منظور نہ ہونے کی وجہ سے مزدوروں کو ابھی تک پیسے نہیں دئیے گئے جو ناقص منصوبہ بندی کا واضح ثبوت ہے۔

سالانہ سات ارب منصوبہ جاری رکھنے کیلئے ضروری

پشاور کے باسیوں نے بھی اس منصوبے پر کام کرنیوالوں کے حق میں اپنا فیصلہ دے دیا ہے۔ اس منصوبے کی تکمیل کیلئے چار سالوں میں وفاق نے ساڑھے تیرہ ارب جبکہ آدھے پیسے صوبے نے دینے ہیں۔ یوں سالانہ سات ارب اس منصوبے کو جاری رکھنے کیلئے ضروری ہیں۔ غریب مزدور اب حکومت کی طرف دیکھ رہے ہیں کہ ان کے واجبات کب ادا ہوں گے تاکہ وہ اپنے گھروں کا چولہا جلا سکیں۔

واضح رہے وزیراعظم عمران خان اقتدار میں آنے سے پہلے اپنے کے پی کے ماڈل کی تعریف کرتے نہیں تھکتے تھے۔ ان کا یہ بھی دعویٰ تھا کہ مدینہ کی طرز پر ریاست بنائیں گے اور غریب کا بھرپور تحفظ کریں گے مگر اب چراغ تلے اندھیرے والی بات دکھائی دیتی ہے۔

متعلقہ خبریں

پاکستان کا سکھوں کے لئیے تحفہ تیار، بھارت کی سستی

پاکستان نے دنیا بھر کے سکھوں کو تحفہ دینے کے لئیے کرتار پور راہداری منصوبے کا افتتاح 9…

2 دن

مسلہ کشمیر امریکی صدارتی مہم کا اہم حصہ بن گیا

اس سے اچھی اور کیا سفارتکاری ہو کہ امریکہ کی صدارتی انتخابی مہم میں مسلہ کشمیر تقریر کا…

4 دن

قوم بے فکر ہو کر سوئے، ہم جاگ رہے ہیں۔ حسن صدیقی،…

دو بھارتی جہازوں کو گرانے والے ونگ کمانڈر نعمان علی اور سکواڈرن لیڈر حسن محمود صدیقی کا پہلی…

5 دن

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے