بِسمِ اللہِ الرَّحمٰنِ الرَّحِيم

13-November-2019

عمرہ کرکے واپس آنیوالے دو افراد علامہ اقبال ائرپورٹ پر دن دیہاڑے قتل

Tariq Tariq
314 Views 0 4 مہینے
عمرہ کر کے واپس آنیوالے دو افراد کو ذاتی دشمنی کی بنا پر دن دیہاڑے قتل کر دیا گیا
Posted at 3 جولائی-2019

لاہور۔ علامہ اقبال ائرپورٹ سیکیورٹی کے اعتبار سے حساس ترین علاقہ ہے۔ یہاں سیکیورٹی فورسز کی جانب سے فول پروف انتظامات کے دعوے کئے جاتے ہیں مگر بدقسمتی سے آج ایک مرتبہ پھر یہ دعوے دھرے کے دھرے رہ گئے۔ ذاتی دشمنی کے نتیجے میں عمرہ کر کے واپس لوٹنے والے دو افراد کو دن دیہاڑے قتل کر دیا گیا۔

فائرنگ کے بعد ائرپورٹ سیکیورٹی فورسز نے ملزمان کو حراست میں لے لیا۔ ائرپورٹ ذرائع کا کہنا ہے کہ جدہ سے آنیوالی فلائٹ سے نفیس جٹ اور زین جٹ عمرہ کر کے واپس پہنچے۔ سوا دس بجے انٹرنیشنل آمد کے لاؤنج سے باہر نکلنے گئے تو انہیں کیا پتہ تھا کہ موت ان کے سامنے کھڑی ہے۔ ائرپورٹ سیکیورٹی فورس کا کہنا ہے کہ دو ملزمان ارشد اور شان نے انتہائی قریب سے مقتولین پر فائر کھول دئیے جس سے وہ موقع پر ہی جاں بحق ہو گئے۔

Courtesy Dawn

نفیس جٹ اور زین کا نام پیپلز پارٹی کے رہنما بابر بٹ کے قتل میں لیا جاتا تھا

باخبر ذرائع کا کہنا ہے کہ نفیس جٹ اور زین کا نام پیپلز پارٹی کے رہنما بابر بٹ کے قتل میں لیا جاتا تھا اور قاتلوں نے اسی دشمنی کی بنا پر نفیس اور زین جٹ کو موت کے گھاٹ اتارا۔ بابر بٹ کے قتل کی 2017ء میں درج ہونیوالی ایف آئی آر میں عاطف جٹ، عرفان جٹ اور عاطی جٹ نامزد ہیں۔ بابر بٹ قتل کیس میں اس وقت کے مسلم لیگی ایم این اے سہیل شوکت بٹ کو بھی نامزد کیا گیا تھا۔

Courtesy Express

مقتولین کو نشانہ بنانے کے بعد ملزمان نے فرار ہونے کی کوشش کی

مقتولین کو نشانہ بنانے کے بعد ملزمان نے فرار ہونے کی کوشش کی تاہم انہیں ائرپورٹ سیکیورٹی فورسر نے دھر لیا۔ عوامی حلقوں میں یہ بات موضوع بحث بنی ہوئی ہے کہ ائرپورٹ جیسے حساس علاقے میں دن دیہاڑے فائرنگ سے دو افراد کا قتل سیکیورٹی کے ناقص انتظامات پر سوالات چھوڑ گیا۔ سیکیورٹی انتظامات کے باوجود ملزمان اسلحہ لیکر انٹرنیشنل فلائٹ کے موقع پر لاؤنج کیسے پہنچ گئے۔

ملزمان کی کسی بھی جگہ چیکنگ نہیں ہوئی

کیا ملزمان کی کسی بھی جگہ چیکنگ نہیں ہوئی۔ ڈیوٹی پر موجود اے ایس ایف اہلکاروں کہاں تھے؟ ائرپورٹ سیکنرز سے ملزمان کیسے گزر گئے۔ لاؤنج میں موجود اے ایس ایف اہلکاروں نے ملزمان کو کیوں نہ پکڑ۔ ان سوالات کے جوابات ملنا ابھی باقی ہے۔ وزیراعلٰٰی پنجاب سردار عثمان بزدار نے لاہور ائرپورٹ پر فائرنگ کے واقعہ کا سخت نوٹس لیتے ہوئے سی سی پی او لاہور سے رپورٹ طلب کر لی۔

انہوں نے حکم دیا کہ فائرنگ کے ذمہ داروں کیخلاف قانون کے تحت کارروائی کی جائے۔ واضح رہے اسی طرح کا ایک واقعہ 22 جنوری 2010ء میں ائرپورٹ حدود میں عارف حمید عرف ٹیپو ٹرکاں والا کا قتل ہوا تھا۔

متعلقہ خبریں

آصف زرداری کی علاج کے لیئے کراچی منتقلی کی درخواست مسترد

سابق صدر آصف علی زرداری کی علاج کے غرض سے راولپنڈی سے کراچی میں کیس منتقلی کی درخواست…

1 دن

دنیا نیوز نے غلط الزامات پر ریحام خان سے معافی مانگ لی

دنیا میڈیا گروپ نے وزیراعظم عمران خان کی سابقہ اہلیہ ریحام خان کے خلاف پروگرام نشر کرنے پر…

1 دن

حمزہ شہباز اور احتساب عدالت جج کے درمیان تلخ کلامی

مسلم لیگ ن کے رہنما اور شہباز شریف کے بیٹے حمزہ شہباز اور احتساب عدالت کے جج کے…

1 دن

عدالت نے ڈیل کا دعوی کرنے والے غلام سرور کو طلب کر…

معاون خصوصی برائے اطلاعات فردوس عاشق اعوان نے توہین عدالت کیس میں غیر مشروط معافی مانگتے ہوئے خود…

2 دن

تازہ ترین

فضل الرحمان کو سیاسی شکست، دھرنا لپیٹ لیا

مولانا فضل الرحمان کے کارکنوں نے اسلام آباد میں اپنا سازوسامان لپیٹ لیا۔ دھرنا ختم کر کے ملک…

2 منٹ

نواز شریف واپس نہ آئے تو ن لیگ ساڑھے 5 ارب روپے…

وفاقی کابینہ کی ذیلی کمیٹی نے نواز شریف کا نام ایگزٹ کنٹرول لسٹ (ای سی ایل) سے نکالنے…

2 گھنٹے

نوجوانوں کو روزگار دینے کا وعدہ پورا کرنے کا وقت آ گیا…

وزیراعظم عمران خان کا کہنا ہے کہ ملک کی معشیت بہتر چکی ہے اب اگلا مرحلہ نوجوانوں کو…

3 گھنٹے

اکشے کمار کی سیٹ پر فلم ڈائریکٹر روہت شیٹھی سے مار پیٹ

بھارتی اداکار اکشے کمار اور فلم ڈائریکٹر روہت سیٹھی کے درمیان جھگڑا ہوا ہے جس سے دونوں کے…

4 گھنٹے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے