بِسمِ اللہِ الرَّحمٰنِ الرَّحِيم

17-June-2019

پولیس اہلکاروں کی گاڑی میں لڑکی سے زیادتی

113 Views 0 4 ہفتے
Posted at 19 مئی-2019

عوام کی حفاظت پر تعینات تین پولیس اہلکاروں سمیت چار افراد نے راولپنڈی میں ایک لڑکی کو گاڑی میں زیادتی کا نشانہ بنا ڈالا۔ آئی جی پنجاب عارف نواز نے حسب روایت تحقیقات کا حکم دے دیا ہے۔

محافظ پولیس اہلکار گاڑی میں جارہے تھے کہ ہوسٹل کی ایک لڑکی کو دیکھ کر اسے اغوا کرلیا۔ متاثرہ لڑکی کے مطابق پولیس اہلکار اسے کسی ویران جگہ پر لے گئے اور گاڑی کے اندر ہی زیادتی کا نشانہ بنا ڈالا۔ متاثرہ لڑکی نے درخواست میں بتایا کہ پولیس اہلکاروں نے ان سے 30 ہزار روپے اور جیولری بھی چھین لی۔ روات پولیس اسٹیشن میں تین پولیس اہلکاروں سمیت چار افراد پر مقدمہ درج کرلیا گیا ہے۔ الیکٹرونک میڈیا کے مطابق پولیس اہلکاروں نے موقف دیا کہ موسم اچھا تھا اس لئے نیت خراب ہوگئی۔

وردی میں ملبوس پولیس اہلکاروں کے بھیڑیا پن کے واقعات بہت بار سامنے آئے ہیں۔ پولیس اہلکاروں نے ڈکیتی اور راہزنی بھی کی۔ مگر راولپنڈی میں جو واقعہ ہوا وہ کسی طرح سے بھی قابل برداشت نہیں۔

پنجاب پولیس کے مطابق آئی جی پنجاب کیپٹن (ر) عارف نواز خان نے راولپنڈی میں پولیس اہلکاروں کی خاتون کے ساتھ مبینہ زیادتی کے واقعہ پر آر پی او اور سی پی او راولپنڈی کوسخت قانونی اور محکمانہ کاروائی کی ہدایات کی ہے۔ یہ پیغام پریس ریلیز کی صورت میں دیا گیا ہے جو پولیس کی روایت رہی ہے۔ آئی جی پنجاب نے سی پی او راولپنڈی کو واقعہ کی
تفتیش اپنی نگرانی میں جلد از جلد مکمل کروا کر رپورٹ سینٹرل پولیس آفس بھجوانے کا حکم بھی دیا ہے۔

آئی جی پنجاب نے اعلی افسران کو ہدایت کی ہے کہ متاثرہ لڑکی کے اہلخانہ سے خود رابطہ کریں اور یقینی بنائیں کہ انہیں مقدمہ کی کاروائی کے دوران کسی قسم کی پریشانی کا سامنا نہ کرنا پڑے۔ خواتین اور بچوں کے خلاف زیادتی کے واقعات قطعاً برداشت نہیں کئے جائینگے اور ایسے واقعات میں ملوث ملزمان کو نشان عبرت بنا دیا جائے گا۔ آئی جی پنجاب نے یقین دلایا کہ محکمہ پولیس میں ایسے بد کردار اور بد عنوان اہلکاروں کے لئے کوئی جگہ نہیں ہے۔

متعلقہ خبریں

حکومت پاکستان کا ترکی میں 50 ہزار غیر…

اسلام آباد۔ ملک میں بڑھتی ہوئی بے روزگاری نوجوان نسل کو یورپی ممالک کی جانب کوچ کرنے کیلئے…

7 گھنٹے
حکومت پاکستان کا ترکی میں 50 ہزار غیر قانونی تارکین کو وطن واپس لانے کا فیصلہ

شہباز فیملی کیخلاف وعدہ معاف گواہ مشتاق چینی…

پرانی کہاوت ہے کہ موسم بدلتے ہی سیاسی پرندے اپنا آشیانہ بھی بدلنا شروع کر دیتے ہیں۔ ایسے…

2 دن
شہباز فیملی کیخلاف وعدہ معاف گواہ مشتاق چینی کا دفعہ 164 کے تحت بیان ریکارڈ

”خراج شہداء پروگرام“ کے تحت شہید شہریوں کے…

لاہور۔ حکومت پنجاب کا دہشت گردی کے واقعات میں شہید ہونیوالے شہریوں کے اہل خانہ کیلئے امدادی پیکیج…

2 دن
حکومت پنجاب ”خراج شہداء پروگرام“ کے تحت شہید شہریوں کے خاندانوں کی کفالت کرے گی

آصف زرداری کے بعد فریال تالپور کا 9…

اسلام آباد۔ میگا جعلی اکاؤنٹس کیس میں پہلے آصف علی زرداری اور پھر انکی ہمشیرہ فریال تالپور کو…

2 دن
آصف زرداری کے بعد فریال تالپور کا 9 روزہ جسمانی ریمانڈ منظور

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے